Fakna Aw
Lily Veng Corps-te chuan Gospel Camping chhawng li zet an neih hnuah August ni 14 khan he Gospel Camping hi an tiak ta. Lily Veng corps hian June ni 28 atang khan he Gospel Camping hi an tan a, he Camp-ah hian Krista Pasaltha Team chu rangbawltu an ni a, a Corps pum huapin an hlawkpui hle a, an Biak In inkhawm pawh a nung tha hle a ni.

Soldier
Zemabawk Corps SAY-te chuan August ni 13 zan khan SAY hnatlang an nei a, hetah hian pickle an siam a, a tuk zingah a zawrh hnatlang an nei nghal bawk. Tin, August ni 14 chhun-ah SAY Office-ah hnatlang an nei leh bawk a, hetah hian an Office electric siamthat, bang rang hnawih leh chhuar siam hnatlang neih a ni a, tihfai ngai tih fai nghal a ni bawk.

The Battle Field
Dawrpui Vengthar Corps chuan August ni 11 (Nilaini) zan khan an Camping pualin tawngtai tlaivar hun an hmang. Tin, August ni9 (Thawhtanni) khan Corps hnatlang an nei a, an Biak In a chung ber Slup an chhung chhunzawm a, hnatlangte an hah tlangin an tangrual tlang hle a, hnatlang thawkchhuakte chungah Corps hruatute an lawm hle a ni.

Youth Cry
Dinthar Corps SAY C. Aithuama Brigade-te chuan Brigade Night August ni 16 (Thawhtanni) zan khan an hmang a, Item benglut tak tak ngaihthlak a thlirho a ni a, an hlimtlang hle a ni. Tin, anni Brigade hian Brigade target pawh an tlak tha hle a ni. Tin, Dinthar Corps hian Thingpui inna No an neih that tawh loh avangin No thar 50 lai mai an nei thar bawk a ni.