CHAN News : CHAN rawngbawlna peng pakhat Samaritan House hmeichhia mihring hmanga sumdawnna tuartu leh dinhmun hlauhawma ding leh harsatna tuartute tan CHAN-in shelter a buatsaih chu a mamawhtu tan awm man chawi ngailovin a awm theih ta. Hetiang mi harsatna nei awm duhte tan chuan Office hun chhungin CHAN Programme Director hnenah dilna thehluh theih a ni. He Shelter a awmte tan hian Vocational Training hrang hrang pek an ni anga, mahni ke a ding thei tura buatsaih an ni bawk ang. A hmun : CHAN Building, Salvation Army Tuikual ‘S’ Ph. 03892326106

ARC Centre :
Chhiahtlang-a Ruihhlo avanga harsatna neite enkawlna tur (ARC Centre) building chu sak zawh tawh a ni a, August ni 22, 2010 (Pathianni) hian Territorial Commander leh Chief Secretary-in an hawng ang.

Muanna In :
Muanna In Recreation Hall sak mek chhunzawmna tur atan Col. Lalsangzuala MLA-in `160,000/- a pe a, hemi hmang hian hna chhunzawm thuai theih beisei a ni.
Skill Development Training : All India Women Skill Development Training Kolkatta-a neih mekah kan Territory atangin heng mi 3 te hi an tel.
1) Major Lalpianpuii, Women Development Officer
2) Capt. Zingengmawii, Asst. CO. Lawngtlai.
3) Capt. Varthantluangi, Asst. CO. Khawbung.
Heng mite hi Commr. Lalhlimpuii, Zonal Secretary for Women Ministryp-in IHQ, London atangin a rawnho a ni.

YP Quiz :
August ni 21, 2010 (Inrinni) hian Booth Mansion Conference Hall ah Central South Division YP tan Bible Quiz inelna neih a ni a, Maj.Lalmuansanga, TYS-in hmanpuiin lawman a sem nghal a ni.

Chungkua inkhawmna nei thate’n, inzawm-na an nei tha…
University of Virginia ten an zirchhiannaah chuan chhuangkua inkhawmna nei thinte leh a huhova tawngtai thin ten inpawhna an neih that maibak ah chhungkua pawh a kawikhawm tha a, buaina an tawk tlem niin an sawi.
University of Virginia a National Marriage Project sociology professor leh a director ni mek bawk W. Brad-ford Wilcox chuan press release-ah sawichhuakin, “Miin a rinna kawng leh testimony-te chhungkua a asawi chhuah thin hian nasa takin chhungkaw inrelbawl-naah hna a thawk thin a, tin, inkhawm satliah aiin tangkaina tam tak a nei zawk bawk,” a ti. Virginia-in an zir zelnaah chuan inngaihdam theihna a tam hian mihring inkar pawh hi a that phahin a ngheh phah ni bawkin an sawi. Wilcox sawizelnaah chuan, “Inngaihdamna hian Sakhua leh mi pahnih inkarah nasa takin inpawhna athlen a, chu chuan kan bula mite leh kan chhehvel a miten malsawmna an hmuh phah thin,” a ti. Tin, an zirchianna atanga alan danin American mihang nupa hian mingo aiin thlarau lama inpawhna an nei tha zawk niin an sawi bawk.

Twitter hmanga Pathian thu thehdarh tum..
Tunlaiin internet changkanna hman tangkai tumin Chris Juby-a chuan Bible pum hi tweeter hmanga thehdarh a tum mek a, vawikhatah dah theih chin awm mahsela, Genesis atanga bul tanin a hmalakna hi kalpui mek a ni. Chris Juby-a hi Kings Church, Durham-a Director a ni a , a hmalakna hian tluang taka a tihin kum 2013 November velah a zawh theih an beisei a ni. Juby-a’n a sawi danin, “Zingtin Bible ka chhiar thin a, Genesis atanga thupuan thleng vawi tam tak ka chhiar chhuak tawh a, twitter-ah dah pawh hi ka tan chuan chona nasa tak a ni,” a ti. Twitter hi internet kaltlang hmanga miin an chanchinte an in hrilh kualna a ni a, social networking an tih pakhat a ni.

North Korea-ah Kohhran hruaitute that….
North Korea-ah Kohhran hruaitu pathumte chu an that a, midang 20 lunginah khung bawk niin Asia News chuan a sawi. An report zel danah chuan, North Korean police ten Pyongan province-a Christian a ruk a inkhawmte chu an luhchilh a, ringtu leh an hotu ni a an rin mi 23 te chu an man ta a ni. Asia News-in a report zel danah chuan an hruaitu mi pathumte chu an that a, a dang 20 te chu lungin lar lo takah an tan tir ta a ni an ti. Heng Christian 23 te hi China-a sumdawng a an kal atanga Christian lo ni ta niin an sawi bawk. Open Door chuan North Korea hi Christian tiduhdah nasa berah kum riat chhung chu an lo thlang tawh. North Korea-ah hian Christian 400,000 a ruka awm angin an chhut a, heng zingah hian 40,000 atanga 60,000 chu lungina nasa taka tihduhdah a awm a rin an ni.