Han ngaihtuah mai hi chuan mahni inngaih-hlutna nen, mihring hi thil tam tak leh tha tak tak ti thei; sawisel kai lo hian awm thei awm tak ni hian a lang thin! Mahse chu-tiang chu a ni der si lo!

Rawngbawlna reng reng kan thlir hian chuti chuan/kha ti khan ti zawk se tiin, mi thil tih dan lo sel hi chu awm hmun atang chuan awl tak a ni. Amaherawhchu, a hmun han luh chilh chuan chutiang chu a ni der si lo. Buaithlak tak leh thil har tak a lo ni si thin!

Chuvang chuan mi, rawngbawlna a theihtawp chhuaha kalpui leh thawk thinte hi sawichhiat leh en hniam hi tih fo chi ni berin a lang lo. Mihring, famkim lo leh thil tisual thei, famkim lo an ni ve tho si a!
Rawngbawlna lamah hian a mipuite hi kan pawimawh hle thin. Rawngbawltute, a bik takin kan upa-te leh kan hruaitute hi kan chhawm-dawl that a pawimawh em em a ni. An that lohna lai leh an tlinlohna laite hmuhhniam phah nan a hmang lovin thahnemngai taka chhawmdawla puih hi kan tih makmawh a ni. Kan hruaitu leh kan upate hi a kul a tai, a sur a sa pawh pawisa lova rawng lo bawl thin; anmahni avanga Kohhran pawh kala ding hram hram a ni si a. Chuvang chuan chhawm-dawl leh puih an ngaihna laiah dawhthei taka kan puihbawm hi kan tih ngei ngei tur a ni......