Dated Chaltlang, 22ndAugust 2010 : Kar hmasa Pathianni khan Laipuitlang corps-ah Chaltlang C.O. bial SAY Meet hun hlimawm tak hman a ni a, Bial chhung SAY member thahnem tak kalkhawmin member kalte’n tisa leh Thlarau-ah an hlawkpui tlang hle a ni.
Inrinni Zan dar 7:00pm ah Laipuitlang Corps Biak In-ah Chaltlang C.O. Bial SAY Meet chu Bial SAY Secretary Michael V.L Vena’n inkhawm kaihruaiin tan a ni a, Bial Secretary hian Bial SAY Activities report a pe nghal a, Pathian fakna hla sain Chaltlang Corps SAY Songster, Female Voice Lily Veng Corps leh Edenthar atangin solo Lalramengmawia te’n item tha tak an rawn nei a ni.
Chhandamna Sipai Pawl Thurin hmanga intihsiakna neih a ni a, Corps tin ten an sawi chhuak thei vek a, Edenthar Corps phei chu an thiam rualin ngaihthlak a nuam hle. Pu R. Vanlalhluna C.T Edenthar Corps hnen atangin sermon thupui ‘In Eng chu mi mit hmuhah eng rawh se, Vantlang nunah’ tih hmangin thu a sawi a ni.

Thianghlimna Inkhawmah Samuel M.S. Ralte Bial ECM-in inkhawm a kaihruai a, Pu Lalpiana CSM Laipuitlang Corps-in thupuan leh thawhlawm lakkhawmna hun a hmang a, Bial Secretary, Laipuitlang SAY Secretary leh Lily Veng Corps SAY Secretary te hnen atangin report ngaihthlak a ni. Lily Veng Corps SAY Songster, Chaltlang Corps Band leh Nl. Lalnunthari Laipuitlang Corps-te hnen atangin Pathian fakna hla ngaihthlak a ni.
‘Biakbuk maichama thalaite pawimawhna’ tih thupui hmangin Pu C. Vanlallawma CS Chaltlang Corps-in thu a sawi a, thalaite hi chhungkuaah te, khawtlangah leh kohhranah te mawhphurhna sang tak kan nei a, nula leh tlangval kan nih lai atanga Pathian tih a, kan nun uluk taka hman a pawimawhziate, Pathian duh dan anga nupui/pasal kan inneih a pawimawh a, kan inneih dan kan duh tui loh avanga kan ramah nghawng tha lo lo awm thinte hi SAY-te chuan Pathian ring chunga kan kalsan a, thianghlim taka nupui/pasal neih a, Kristian chhungkua din tura mawhphurhna kan neihte sawiin hun hman a ni.
Chawhnu dar 1:00pm ah Fakna Inkhawm hun hman a ni a, Nl. H. Lalrinchhani Bial ECM-in inkhawm kaihruaiin inkhawm tan a nih hnuin compere Nl. Julie Remruatpuii leh Tv. Lalremsang i/c Sports Bial SAY te’n hneh takin an kaihruai a, solo a Pathian fakna hla sain Catherine M.S. Dawngliani Lily Corps, M.S. Dawngkima Lily Corps, Marina Zosangpuii Chaltlang Corps, Lalramengmawia Edenthar Corps, Lalnunthari Lalpuitlang Corps, Lalhmangaihsanga Laipuitlang Corps-te leh Nl. Lalnunkimi (kimkimi) te’n hun an rawn hmang a ni. Nl. Kimkimi hi ram pum huap pawha zaithiam lar Blue Corn Band-ahte a tel thin a, Pathian-ah piantharna a chang thar a, a testimony hla sak chuan member kalkhawmte a hneh hle a ni. Group singing Edenthar Corps ngaihthlak a ni a, Chaltlang Corps SAY Drama Club te’n skit/worship dance hmangin Pathian thiltihtheihna an puangchhuak bawk a ni.

Lily Vang Corps-a SAY member Dr. Johny-a hnen atangin a hnathawhna hmun Chawngte-a an rawnbawlna leh a testimony-te ngaihthlak a ni a, kan awmna hmun apiangah Pathian rawngbawltu rinawm kan nih a pawimawhzia te a hnen atang hian kan ngaithla a ni. Pu Lalrinawma C.S Laipuitlang Corps atangin thuchah ngaihthlak a ni.
Mual Inkhawm nei turin Chaltlang Corps Band-ten hma hruaiin kawng zawh a ni a, Thirhrui Ban kawnah Mual Inkhawm neih a ni a, Band, solo Nl. Esther Rinhlui leh group singing Lily Veng Femawl Voice ten Pathian Fakna hla an sa a, Bial SAY Leader Pu V.L Malsawma’n inkhawm a kaihruai a, thuchah a sawi nghal bawk a ni.
Laipuitlang Corps te’n Bial Meet Palaite tan ruai min buatsaihsak chu puar takin kan kil ho a, zan dar 6:45pm ah zan inkhawm tan a ni a, Division SAY hruaitute’n inkhawm hun mi hman pui a, Tv. hruaitute’n inkhawm hun mi hman pui a, Tv. Dominic Lalrotluanga Bial Assistant Secretary in inkhawm a kaihruai a, Bial Secretary leh Bial Leader ten sport result an puan a - 1) Lily Veng Corps. 2) Laipuitang Corps. 3) (a) Edenthar Corps (b) Chaltlang Corps te an ni.
Chaltlang SAY Assistant Secretary leh Edenthar Secretary tan report an pe a, Chaltlang SAY Songster leh Lily Corps SAY Songster leh Nl. Kimkimi ten Pathian fakna hla sa-in hun an hmang a, Chaltlang Corps Band te item chuan member kalkhawmte beng leh mit a fah hle.
Major. Lalnithanga Bialtu C.O in ‘Chhungkaw maichama Thalaite pawimawhna’ tih thupui hmangin thu a sawi a, inhlanna hun a hawng a, SAY member leh nu leh pate maicham hmaah tawngtaiin an lo kun a ni.
Inkhawm hrang hrangah hian zai a nuam a, SAY member-te leh nu leh pa inkhawmte’n lamin Pathian an fak a, kham lo takin Bial Meet hi kan tin a ni. - Asst. Seretary, SAY